Мазкур тарихий монография Ўзбекистонда мукофотлаш тизими тарихини ўрганишда аҳамиятли бўлиб, хусусан унда Бухоро амирлиги ташкил топиши давридаги ижтимоий-сиёсий жараёнлар, амирликнинг шаклланиш ва ривожланиш босқичлари, Бухоро амирлиги марказий ва маҳаллий бошқарувида амирларнинг фаолияти, амирликда амалга оширилган ташқи сиёсий ва дипломатик муносабатларнинг ўзига хос хусусиятлари билан бир қаторда Бухорода мукофотлаш тизими тарихи, амирлик даврида таъсис этилган мукофотлар, дастлабки кўкрак нишонлари ҳамда мукофотларининг яратилиши жараёнлари, шунингдек, амирлик мукофотлари билан тақдирланган маҳаллий ва хорижий шахслар ҳақидаги маълумотлар, амирларга тақдим этилган мукофотлар тарихи акс эттирилган. Мазкур тадқиқотни ёзишда маҳаллий тарихчилар асарлари, даврий матбуот нашрлари, архив ҳужжатларидан фойдаланилган. Ушбу монография тарихчи олимлар, Бухоро тарихига қизиқувчилар, шунингдек, фалерист коллекционерлар, олий ўқув юрти талабалари, магистрантлар, докторантлар ҳамда кенг китобхонлар учун мўлжалланган.