Якинда Совет делегацияси аъзоси сифатида, Африкадаги Мали республикаси ҳукуматининг таклифига биноан шу мамлакатга қилинган сафардан Сени ғоят соғиниб келдим, тенги йук ва донгдор, ҳаётида ҳамиша баҳор барқарор гўзал менинг азиз ва муқадддас Ватаним; инсоният тарихи ва ҳаётида биринчи бўлиб ақл ва адолат, юксак одамийлик ва инсоф тантанасини бошлаб берган муаззам ва қудратли, мўъжизакор ва кўп тилли халқим; ҳамиша хаёлимни банд этиб, дилимни безаб юрган, ой ва осмон орқали туну ва ҳар ерда кун тўхтовсиз сўзлашиб-суҳбатлашиб турганим беҳад севимли ёр- биродарлар!