Har tomonlama barkamol yangi avlodni tarbiyalab voyaga yetkazish davlatimizning bugungi kundagi eng muhim vazifalaridan biridir. Masalaga shu nuqtayi nazardan qaraladigan bo‘lsa, yoshlar ta’lim-tarbiyasida bola- lar adabiyoti yetakchi o‘rinda turadi. „Bolalar adabiyoti“ majmuasi hozirgi zamon talablaridan kelib chiqib, pedagogik yo‘nalishdagi kasb-hunar kollejlari uchun chop etilgan „Bolalar adabiyoti“ darsligi asosida tuzilgan. Unda bolalar folklori, hozirgi zamon bolalar adabiyotining paydo bo‘lishi, rivojlanishi, bosib o‘tgan yo‘li atroflicha tahlil qilinadi. Majmuada bolalar folklori janrlaridan parchalar, o‘zbek bolalar adabiyotining atoqli vakillari hamda jahon bolalar adabiyoti namoyanda- larining qisqacha tarjimayi hollari, ularning asarlaridan namunalar berilgan.