Kitoblar

Бобурнома

"Бобурнома"-ўзбек намунавий адабиётидаги бебаҳо асарлардан. Унда Ўрта Осиё, Афғонистон, Ҳиндистон ва Эрон халқлари тарихи, жуғрофиясига оид қимматли маълумотлар бор. Ўша давр ўзбек адабий тилининг ёрқин намунаси эканлиги эса янада муҳимроқдир.

Не бўлди, ёрим келмади

Муҳаммад Раҳимхон Феруз-фақат улкан шоиргина эмас, балки ўз замонасининг буюк фарзанди ҳам эди, у қирқ етти йил Хоразм хони бўлиб, Туркистонда фан, адабиёт, санъат ва маданиятнинг равнақига улкан ҳисса қўшган, уламо, фузало ва шуаро аҳлига ҳомийлик кўрсатган.

Рубоийлар

Умар хайём изидан

Умар Хайём рубоийларининг бир неча марта ўзбек тилига қилинган таржималари асосан бармоқ вазнида амалга оширилган. Айрим ўзбек шоирларининг ўз вақтида чоп этилган рубоийлари ҳам бармоқ вазнида ёзилган. Қейинги йилларда биринча бор Манноп Эгамбердининг рубоийлари, айрим камчиликларидан қатъий назар, ўз "она" вазнида, яъни арузда ёзилганини мамнунлик билан қайд этамиз.

Замин юулдузлари

"Замин юлдузлари" китоби-ажойиб замондошларимиз ҳақидаги ҳикоялар тўпламидир. Сиз унда янги Тошкентни қураётган азаматларни ҳам, шаҳар ва қишлоқ зиёлиларини ҳам, мард ошиқлар ва гўзал маъшуқалар ҳам кўрасиз, улар билан сшҳбатдош бўлади.

Зебуннисо, Дилшод ва Анбар Отинлар. Шеъриятидан

Китобчада истеъдодли шоиралардан Зебуннисо, Дилшод-Барно ва Анбар отинларнинг ғазал, мухаммас, мусаддас, мураббаъ, маснавий, таржеъбанд ва рубоийларидан намуналаи жамланган.

Vafo Qilsang

Navoiyning lirik she'rlari inson qalbining eng nozik kechinmalarini yuksak badiiyat bilan ifoda etadi. Ularda hayotning turli ko'rinishlari ham o'z aksini topgan. Demak, inson - bu hayot, bu she'riyatning mohiyatini tashkil etadi. Shoirning lirik qahramoni boy ma'naviy dunyoga ega bo'lgan barkamol inson. Uning hayajonlari, sevgi dardida chekkan iztirob va alamlari, mahbubaga chin sadoqati har bir kishi ko'ngliga yaqin va hamohang. Ushbu to'plamda Alisher Navoiyning uch devonidan terib olingan g'azallar jamlangan.

If qal'asining mahbusi. I kitob

Bu kitob – ko‘plar kutgan durdona. U jahon adabiyotidagi eng sara asarlar ro‘yxatiga kiradi. Garchand “Graf Monte Kristo” yaratilganiga bir necha asrlar o‘tgan bo‘lsa-da, undagi ulug‘vor g‘oyalar, o‘lmas tuyg‘ular, orzular va armonlar talqini sira-sira o‘z ahamiyatini yo‘qotmaydi. Asardagi qahramonlar, ularning hayoti, kechinma va kechmishlari, voqealar zanjiri o‘quvchini kitobga ipsiz bog‘lab qo‘yadi. Ayniqsa, bosh qahramon Edmon Dantesning uzoq yillik uqubatlari, ana shu yillar samarasi o‘laroq o‘zgacha inson bo‘lib etishishi, bir vaqtlardagi jabr-sitam uchun intiqom kurashiga kirishishi bugungi kun o‘quvchisi uchun ham birdek maroqli. “Graf Monte Kristo”ni ko‘plar intiq kutayotganining boisi shundaki, ushbu kitob o‘zbek tilida chiqarilganiga qirq yildan oshdi.

Katta umidlar I kitob

Hammasi oddiy voqealardan boshlanadi. Yosh fillip qabriston yonida o'ynab yurganida qamoqdan qochgan mahbus uni tutib oladi va boladan o'zi uchun yegulik va egov olib kelishini talab qiladi. Mana shu voqea bolaning kelajagini o'zgartirib yuboradi.

Rohibning qayg'usi

Anton Pavlovich Chexov dunyo adabiyoti rivojiga munosib hissa qoʻshgan adiblardan biridir. Yozuvchi oʻz hikoyalarida insonlarning ichki dunyosini, ruhiyatini mahorat bilan ochib bergan. Shu bois Anton Pavlovich Chexov hikoya janrini yuksak pogʻonaga koʻtargan adib sifatida tan olingan. Qo'lingizdagi toʻplamda yozuvchining eng sara hikoyalari oʻrin olgan.

Танланган асарлар

Гарчи аёвсиз ўлим севимли шоиримиз, оташнафас сўз санъаткори Эркин Воҳидовни орамиздан олиб кетган бўлса-да, унинг ўлмас ва муҳташам ижоди тиллардан тилларга, диллардан дилларга кўчиб, барҳаёт яшамоқда.Ушбу умр китоби ҳам шоирини соғинган эл учун ғойибона дийдор бўлса, ажаб эмас.

Танланган асарлар

Олим ва шоир, профессор Орифжон Икромовнинг (1926-1971) "Танланган асарлар"ига адибнинг турли жанрларда ёзилган асарлари киради. Бунда шеърлар, мақолалар ва адабий портретлар бор. Китобни якунланган "Ижобий қаҳрамон ҳақида сўз" монографиясида эса олим ўзбек романлари материали асосида ижобий қаҳрамон ҳақида фикр юритган.

Олтин тоғлар

Мазкур тўпламга республика ёзувчиларининг етиштиришда карвонбошилик қилаётган марду майдонлар ҳақидаги очерклари киритилган.

Она

"Жаҳон адабиёти дурдоналари" сериясида ўзбек тилида чоп этилаётган ушбу мажмуага дунё пролетарларининг гениал ёзувчиси, совциалистик реализм адабиётининг асосчиси Максим Горькийнинг жаҳон адабиёти хазинасига бебаҳо бойлик бўлиб қўшилган "Она" повести, ҳикоялари ҳамда социалистик реализм адабиёти ҳақида куюнчаклик билан айтган фикрий дурдоналари жамланди.

Humoyun va Akbar

Hijriy 935-yilda Agraga ko‘chib kelgan Xonzoda begim o‘n yildan beri Hindistonda istiqomat qilayotgan bo‘Isa ham, hanuzgacha bu yerdagi yil fasllarining g‘aroyibligiga o‘rganolmaydi. Uning nazarida, Agraning kuzi va qishi yo‘q, bahori bilan yozi esa yil bo‘yi davom etadi.

Ошиқнома: Хоразм достонлари:1-китоб

Ушбу нашрга Хоразмда кенг тарқалган ишқий-саргузашт мавзу сидаги "Ошиқ" туркуми достонларига яқин бўлган ва негизида эртак сюжетлари ётган ишқий-фантастик достонлар жамланган.

Мукаммал асарлар тўплами. 20-том

Ойбек "Мукаммал асарлар тўплами"нинг ушбу, қўшимча том адибнинг кам маълум бўлган ва эълон қилинмаган адабий-танқиди мақоллалари, нутқлари ҳамда тақризлари киритилди. А. И. Дейч билан ҳамкорликда ёзилган "Алишер Навоий" адабий-танқидий очерки ҳамда тугалланмай қолган "Халқ қалқони" пьесасининг мавжуд парчалари ҳам ушбу томдан жой олди. Мазкур томга киритилган барча материаллар Ойбек томонидан рус тилида ёзилган.

Мукаммал асарлар тўплами. 19 томлик. 18-том. "Публицистика ва адабиётшуносликка оид асарлар тугалланмаган асарлар материаллар"

Ойбекнинг ушбу мукаммал асарлар тўпламининг 18-томида адтбнинг "Публицистика ва адабиётшуносликка оид асарлар тугалланмаган асарлар материаллар"и киритилган.

Мукаммал асарлар тўплами. 19 томлик. 17-том. Рус адабиёти ва СССР халқлари адабиётидан таржималар

Ойбекнинг ушбу мукаммал асарлар тўпламининг 17-томида унинг "Рус адабиёти ва СССР халқлари адабиётидан таржималар" киритилган.

Мукаммал асарлар тўплами. 19 томлик. 16-том. Рус классик адабиётидпн таржималар

Ойбекнинг ушбу мукаммал асарлар тўпламининг 16-томида "Рус классик адабиётидан таржималар"и киритилган.