Мазкур методик қўлланмада республикамизда фаолият юритаётган олий таълим муассасаларида талабалар ҳамда профессор-ўқитувчиларнинг ўқув ва илмий адабиётлар билан ишлашини ташкил қилиш ҳолати тадқиқ этилган. Шу билан бирга, ушбу фаолиятга оид хориж тажрибаси ҳам қиёсий ўрганилган. Олинган натижалар асосида олий таълимда адабиётлар билан ишлашни самарали ташкил этишга оид услубий тавсиялар ишлаб чиқилган. Методик қўлланма олий таълим тизимида фаолият олиб бораётган раҳбар ходимлар ҳамда профессор-ўқитувчилар учун мўлжалланган. Шунингдек, олий таълим соҳасида тадқиқот олиб бораётган изланувчилар ҳам ўз тадқиқот мавзуси доирасида услубий қўлланмадан ўрин олган маълумотлардан фойдаланишлари мумкин.