Бу ҳунар энг қадимий ва энг зарур ҳунарлардан бири бўлиб, ҳар қандай қўл ҳунари сингари бу ҳунарда ҳам ҳамма вақт ўз ишининг чинакам санъаткорлари, машҳур усталари бўлган. Ҳозирги вақтда кийим тикиш - бу одамнинг турмуш эҳтиёжларига ҳам, бадиий талабларига ҳам хизмат қилиши керак бўлган қудратли индустрия тармоғидир. Бу китоб ёрдамида, кейинроқ эса бошқа китоблардан ҳам, саводлигина эмас, балки дид билан тикишни ҳам ўрганиб оласиз, ундан кейин эса, эҳтимол, тикувчилик ишлаб чиқаришидаги истаган ҳунарингизни ўзлаштириб оларсиз-да, ўз ишингизнинг моҳир устаси бўлиб кетарсиз.