Monografiyada XIX-XX asr boshlarida Xiva madrasalari tarixi eng yangi manbalar asosida jahon ilm-fan va madaniy taraqqiyoti omillari aspektida ochib berilgan. Kitobda Xiva madrasalari haqidagi ma’lumotlarning yozma manbalarda aks etishi, tarixshunoslik tahlili, madrasalarning ijtimoiy holati, ta’minot tizimi va boshqaruvi, ta’lim tizimi va ta’lim jarayoni, mudarrislar va kutubxonalar faoliyati, vaqf institutining tugatilishi va ta’lim tizimiga ta’siri, madrasa ta’lim tizimining tugatilishi va uning oqibatlari masalasi yozma manbalar, respublika va Xiva Ichan-Qal’a arxiv fondlarida saqlanayotgan vaqfnomalar va vaqfga oid hujjatlar, hamda saroy tarixchilari asarlari, xorijiy elchilarning hisobotlari, mahalliy va xorijiy adabiyotlar hamda davriy matbuot materiallari orqali ochib berilgan. Monografiyada qayd qilingan ma’lumotlar O‘zbekiston tarixining o‘rta asrlar davri madaniyatini yoritish va keng jamoatchilikka yetkazishda muhim ahamiyatga ega. Monografiya talabalar, magistrantlar, ilmiy tadqiqotchilar hamda O‘zbekiston tarixi bilan qiziquvchi keng kitobxonlar ommasi uchun mo‘ljallangan.