Мазкур рисолада миллий истиқлол шарофати туфайли жаҳонга янгидан юз очган, ўзлигини таниб, қадди-бастини ростлаб, истиқ-болли келажакнинг кўз илғамас ёрқин уфқлари сари дадил одимлаёт-ган мустақил, ҳур Ўзбекистоннинг ижтимоий ҳаётнинг турли соҳала-рида эришаётган ҳайратланарли ютуқлари ва муваффақиятлари ҳақида ҳикоя қилинади. Рисола саҳифаларини бир-бир нигоҳимиз-дан ўтказар эканмиз, уларда улуғ аждодларимизнинг неча асрлар давомида муттасил муқаддас юрт ишқи, дарду ҳасрати, ташвиши, унинг эрки, озодлиги туйгулари билан яшаб келганлиги, бу ҳақ йўлда турли-туман эл-улус тажовузкорларига қарши жон фидо этиб, мардо-навор курашганлиги, мислсиз қурбонлар берганлиги фактларига амин бўламиз. Буларнинг ҳаммаси ҳозирги авлод кишилари қалби-дилида бағоят огоҳ этувчи нидо, садо бўлиб акс этмоғи керакки, бу эса миллий Истиқлол қадри-қимматининг нечоғлик юксаклиги ва бебаҳолигига қатъий ишорадир.