Республикада ўтказилаётган кенг кўламли демократик ислоҳотлар ҳамда инсон ҳуқуқлари ҳимоясини кучайтиришга қаратилган изчил сиёсат фуқаролик жамиятининг ажралмас қис- ми бўлган жамоат ташкилотларининг ўрни ва аҳамиятини тобора оширмоқда. Мамлакатимизда жамоат бирлашмалари- нинг эркин ва фаол ҳаракат қилишлари учун тўла ҳуқуқий-ижтимоий асослар яратилган. Бош қомусимиз - Конституциямизнинг ХІІІ бобида, «Фуқаролик кодекси»нинг 75-модда- сида, «Жамоат бирлашмалари тўғрисида», «Касаба уюшмалари, уларнинг ҳуқуқлари ва фаолиятининг асослари ҳақида», «Сиёсий партиялар тўғрисида»ги қонунларда ноҳукумат ташкилотларининг фаолиятини таъминлашга қаратилган қоида ва меъёрлар ўз аксини топ- ган бўлса, Президентимиз Фармонларида ва Вазирлар Маҳкамасининг қарорларида уларни давлат томонидан қўллаб-қувватлаш, имтиёзли солиқ тўловларини белгилаш, моддий-техник базасини мустаҳкамлаш шарт-шароитлари яратиб берилмоқда.