Jahon ta'lim tizimi taraqqiyotining asosiy omillari qatorida yoshlarni turistik faoliyatga jalb qilish orqali ularda ma'naviy-axloqiy fazilatlarini yuksaltirishning samarali pedagogik mexanizmlari amaliyotga tadbiq etilmoqda. YUNESKO xalqaro tashkiloti tomonidan qabul qilingan "Ta'lim 2030/Inchxon deklaratsiyasi" [134] asosida ta'lim tizimining barcha bosqichlari va tuzilmalarida hamma uchun butun hayoti davomida sifatli ta'lim olish imkoniyatlarini yaratish, xalqaro turizm, uning tarixi va madaniyatlararo muloqotning yoshlarga ta'siri orqali samarali va qulay o'qitish usullarini joriy etishga qaratilgan faoliyat olib borilmoqda. Shuningdek, turizmning shaxsiy rivojlanish va ijodiy qobiliyatlarni shakllantirishdagi imkoniyatlarini kengaytirishga alohida e'tibor qaratilmoqda.