Ўзбекистон халқ ёзувчиси Одил Ёқубов ўзининг тарихий романлари билан нафақат ўзбек китобхонлари, балки чет эллик китобхонларнинг ҳам меҳрини қозонган. Адиб "Кўҳна дунё" романида икки буюк олимнинг болалиги, ижтимоий муҳит, ёшлик йиллари, илк севгисидан тортиб, даҳо ижодкорга айлангунча бўлган даврни жонли ва рангли бўёқларда тасвирлайди. Уларнинг илм-фан тараққиётига қўшган буюк ишларини умумлаштиришга ҳаракат қилади. Ҳар икки улуғ аждодимизнинг ҳаёти ва илм-фан ривожига қўшган ҳиссасини бадиий образларда акс эттирган ушбу асар бугунги кун ўқувчисини бефарқ қолдирмайди, деган умиддамиз.