Muhtaram kitobxon, «Soʻz chamani» turkumida Sizning e'tiboringizga yana bir muazzam toʻplam - Oʻzbekiston xalq shoiri, taniqli jamoat arbobi, Javoharla'l Neru nomidagi xalqaro mukofot, xalqaro «Nilufar» mukofoti sohibasi, oʻzbek sheʼriyatini jahon minbarlarida baralla jaranglatgan atoqli ijodkor, xalqimizning ardoqli farzandi Zulfiya ijodidan saralangan she'riy asarlar taqdim etilmoqda. Barchamiz uchun aziz va qadrdon she’riyat bilan qayta diydorlashuv sizni mamnun etadi deb ishonamiz.