"Qoraquyun" roman janrida yozilgan. Unda tog‘lik bo'lgan bir yigitning tutqunlikka tushib qolishi, ozod bo‘lgandan so'ng esa, yigitni qullik chohiga uloqtirgan kimsadan qasos olish niyatida bir jonivorni "jonli o‘q" sifatida qafas, ya'ni g‘ulda tarbiyalashi aks ettirilgan. Asarda yana ozod inson tutqundagi insonning ruhiyatini anglab yetmoqqa qodir bo‘lmaganidek, inson ham tutqundagi jonivorning botinida yuz berayotgan evrilishlarni idrok etmoqqa ojiz ekanligi mohirlik bilan tasvirlab berilgan.