Ushbu to'plamga Abdulla Qodiriyning she'r va hikoyalari jamlangan. Qodiriy she'riyati zamondoshlarini uyg'onishga chorlaydigan ruhda bitilgan, hikoyalari esa o'zbek hikoyachiligining ilk namunalari sanaladi. «Millatimga bir qaror», «Ahvolimiz» kabi she'rlarida shoir o'ta zarur hayotiy mavzu va muammolarga e'tiborini qaratgan. Qodiriy hikoyalari esa mag'zi to'qligi, davr holatini yoritib berishi bilan ahamiyatlidir. To'plam keng kitobxonlar ommasiga mo'ljallangan.