Ushbu kitob-albomda muallif Abdulg'afur Razzoq Buxoriyning xususiy kolleksiyasiga oid xattotlik, naqqoshlik san'ati va kitob miniatyuralaridan bebaho namunalar taqdim etilgan. Islomshunos olim, taniqli xattot, ustoz, Sharq mumtoz adabiyoti bilimdoni Abdulg'afur Razzoq Buxoriy ko'p yillar davomida Sharq kitobat san'atini o'rganish bilan shug'ullanib keladi. Turfa xattotlik yozuvlari bo'lgan, nafis naqshlar bilan hoshiyalangan sahifalar ham O'zbekiston hududida, ham uning tashqarisidagi turli badiiy markazlar xattotlari va rassom-naqqoshlarining yuksak mahoratini namoyish etadi. Qur'oni karim namunalari alohida e'tiborni tortadi ularni dizaynining benuqsonligi va nafisligi umumlashtirib turadi. Kitob-albomda miniatyura namunalari ko'p emas, ammo chop etilganlarining bari bir maromda tasvirlangani, ranglari uyg'unligi va yuksak mahorat mahsuli ekanligi bilan diqqatga sazovor.