Ушбу китоб-альбомда қўлёзма асарлар, архив маълумотлари, элчи ва сайёҳларнинг эсдалик ва хотиралари, нодир манбалар маълумотлари асосида Хива шаҳрининг XVI аср – XX аср бошларидаги тарихи илк бора комплекс ёритилган. Хиванинг хонлик даврида кечган сиёсий, ижтимоий-иқтисодий жараёнларда тутган ўрни очиб берилган. Шаҳар структураси ва унинг меъморий қиёфасида юз берган трансформацион жараёнлар, хусусан, унинг ажралмас компонентлари ҳисобланган шаҳар деворлари, маҳаллалари, кўчалари тавсифланган. Хива хонлиги маъмурий бошқарув тизими хусусиятларига оид янги маълумотлар, шаҳарликларнинг ҳунармандчилик, савдо ва деҳқончилик билан боғлиқ фаолияти, маданий ҳаёти ёритиб берилган. Китоб-альбом сайёҳлар, олий ўқув юрти талабалари, гид-йўлбошловчилар ва юртимиз тарихи билан қизиқувчи кенг ўқувчилар оммасига мўлжалланган.