Unilibrary. Oliy ta'lim muassasalarining yagona elektron kutubxona axborot tizimi.

Бойчечак

Қор кўрпа тўшалган, остида чечак, Мудраганга солиб ётар ўзини. Гул япроклари жунжиган андак, Изғирин аямай савар юзини. Даҳшатли довулни қилмайди парво, Қаҳратон совуққа бермас сўзини. Сабру қаноатда бойчечак танҳо, Қор кетмай жилмайиб очар кўзини.

Мени йиғлатма, ҳаёт!

Бир шоир айтганидек, ҳаёт деб аталмиш Буюк Устоз кимгадир қанд берса, кимгадир панд беради. Унинг синовларига беғубор кўнглини авайлаб кўтариб юрган ёшларнинг ҳаммаси ҳам чидай олмайди. Айнан, шу тенгдошларига далда бўлиш учун Аҳад Қаюм уларнинг номидан барча дардларни тўкиб солади. Ҳа, бу ҳиссий дардларнинг кўпи қадим замондан ҳозирги вақтгача турли шаклда турланиб, тусланиб қоғозларга тушиб келмоқда. Аҳад Қаюм эса ана шу дардни эритадиган, оддий турмуш ташвишидек кўрингани билан тоғлар ҳам кўтаролмайдиган ички кечинмаларни ўзига хос равишда қоғозга туширган, холос. Аслида лирика, шеьр шу эмасми?! Аҳад Қаюмнинг бу китобини ҳам кўпчилик мухлислар интизор бўлиб кутмоқда. Марҳамат, унинг шеърияти билан ошно бўлинг, азиз ёшлар!

Сариқ аждар ҳамласи

Романда акс эттирилган тарихий воқеалар бундан қарийб икки минг икки юз йил аввал рўй берган. Буюк ипак йўлини тўлиқ назорати остига олишни мақсад қилган хитой императори Лю Чэ ( у тарихга У-ди-"жанговор император" номи билан кирган) милоддан аввалги 138 йили ўз айғоқчиси Чжан Цзянни узоқ Ғарбда жойлашган Довон (ўозирги Фарғона водийсидаги қадимги давлат)га юборади... Романдаги воқеалар қадимги Хитой ва Довон давлатларининг тарихий шахслари-Ҳукмдорлар, мутафаккирлар ҳамда оддий халқ вакиллари образлари, уларнинг ички кечинмаси, сийрати ва сурати, турфа тақдирлари орқали маҳорат билан очиб берилган. Муаллиф ўша даврга хос фольклор материалларидан ҳам самарали фойдаланган. Китобхон роман саҳифалари орқали қадимги Довон давлатида икки минг йил олдин яшаган ота-боболаримизнинг эътиқоди, урф-одатлари, Ватан озодлиги йўлидаги фидокорона кураш тафсилотларидан воқиф бўлади. Таъбир жоиз бўлса, ёзувчи Манноп Эгамбердиев зукко ўқувчиларни мозий сари қизиқарли ва ғаройиб саёҳатга бошлайди.

Чиройлигим

Марямхоннинг шеърлари ўзига хос, жозибали ва самимий. Унинг қалб туғёнлари мисраларга жо бўлиб, инсонларни эзгулик ва яхшилик сари чорлайди, Ватанни, юртни севишга, қадрлашга чақиради. Ўйлаймизки, гўзал мисралардан тузилган қўлингиздаги мазкур шеърий гулдаста шеърият шайдоларига муносиб туҳфа бўлади.

Мафтунингман

Шеьрият-кўнгил изҳорини бадиий намоён қилишнинг энг гўзал усулидир. Бироқ ҳар ким бу усулдан моҳирона фойдаланавермайди. Шоҳруҳ ҳам қалб кечинмаларини шеърий тарзда ифодалашга ҳаракат қилибди. Шоҳруҳбекдан келажакда янада кўнгилга яқин сатрлар кутиб қоламиз.

Бойчечагим

Фарангиз Ўтамова машқлари болаларча соф, нафис-туйгуларнинг шеърият шаклидаги ифодасидир. Ф икрлар содда самимий, таъсирчан. Ушбу мўъжаз тўпламда Фарангизнинг она Ватанга чексиз муҳаббати, халқига бўлган ҳурмат-эҳтироми жамланган.

Ҳаёт, ҳукминг шуми?

Дунёда шундай инсонлар борки, улар буюк сабр эгаларидир, чинакам қаноат соҳибларидир. Уларнинг бахти ҳам шунда. Қўлингиздаги китоб муаллифи ҳам ана шундай матонат эгасидир. Ушбу тўпламда аёвсиз оғриқлар, чексиз азоблар қуршовида яшаб келаётган бир вужуднинг ижодий машқлари жамланган. Бундай инсонларнинг қалби ҳақиқий маънодаги жамланган қаноат ва матонат деб аталмиш илоҳий бир нурдан яратилган десак ҳеч муболаға бўлмас

Кўклам ёмғири

Ёш қаламкаш Севара Кенжаева шеърият бўстонига эндигина қадам босаётган умидли ёшларимиз вакилидир. Ижоднинг машаққатли ва маъсулиятли йўлларида унга сабр-матонат, ўқиш, ўрганиш доимо ҳамроҳ бўлсин.

Орзуларнинг сўнгсиз уммони

Санобар Аҳмедова атрофини қуршаб турган борлиқни, Ватаннинг мусаффо осмони-ю, бетакрор табиатни болаларча соф меҳр билан ардоқлайди. Ота-онасига, яқинларига кўнглидаги энг самимий тилакларни шеър орқали ифодалашга ҳаракат қилади. Санобарнинг соф туйғулари шеърият шаклида қанот ёзаверсин деймиз.

Ёшлик боғи

Шеърият бўстонига қадам босаётган ёшларнинг сафи кенгайиб бормоқда. Бу албатта, қувонарли ҳол. Комилбек ҳам ижод ишига ҳавасманд ёшлардан эди. Педиатр врач сифатида эл назарига туша бошлаган йигит шеъриятнинг ҳам шайдоси эди. Ушбу мўъжазгина тўплам Комилбекдан хотира бўлиб қолди. Унинг орзу-армонлари фарзандлари тимсолида рўёбга чиқишига тилакдошмиз.

Тўёна

Улбош Рўзиева оддий ўзбек аёли, уй бекаси. Шеърият назарияси, шеър техникаси каби илмларни эгалламаган. Бироқ шеърият шайдоси. Мутолаани хуш кўради. Рўзғор юмушларидан ортиб ижод қилади. «Тўёна» Улбош опанинг кўнгил кечинмалари маҳсули. Унда Бекламишсойнинг полвон йигитлари, бағрикенг инсонлари ҳақидаги ажойиб шеърлари жамланган. Ушбу тўплам ўз ўқувчиларига манзур бўлади деган умиддамиз.

Ижодни англаш бахти

Ушбу китобда ХХ аср ўзбек адабиёти тарихини янгича қайта идрок этиш,қолаверса,бадиий ижодни,ижодкор шахсини шўро даврининг қарашларидан фарқли ўлароқ,ёрқин намуналаридир.

Пул топишнинг сиз билмаган сирлари

Қисқа муддат ичида катта бойликка эга бўлишни истасангиз, сайёрамизнинг энг бой одамлари мунтазам равишда амал қилиб келаётган қонун-қоидаларга кўра иш кўришингиз лозим. Бу китобнинг асосий мавзуси бадавлат бўлиш тарихининг буюк сирларига бағишланган.

Камола етган ишқ

Сафо Очил ҳаёти ва турмуши турфа ранг, ижоди эса серқирра ва сермазмун, йигирмага яқин китобларнинг муаллифи. Унинг муборак исми болалар шоири, қўшиқчи шоир, катталар учун назмий асарлар ижодкори, насрнавис, адабиётшунос, таржима- шунос ва тарбияшунос олим, педагог-мураббий, талабчан ношир сифатида машҳур ва манзур. Дарҳақиқат, у филология фанлари номзоди, педагогика фанлари доктори, профессор. Профессор Сафо Очилнинг қўлингиздаги „Камола етган ишқ“ килобита шоирнинг кейинги йилларда ёзган шеърий асарлари жамланган. Уларда шоир қалбида камолга етган Ҳақ ишқи, Истиқлол ишқи, Ватан ишқи, Меқнат ишқи, Ёр ишқи тараннум этилган.

Марғиноний ва унинг издошлари

Мовароуннаҳр маънавий меросга бой, жаҳон фани ва маданиятида ўчмас из қолдирган алломалар юртидир. Ушбу рисолада мусулмон ҳуқуқшунослигининг асосчиси Бурҳонуддин Марғинонийнинг "Ҳидоя" асари ва унга шарҳлар ёзган издошлари ҳақида маълумотлар берилган. Бир-бирини тадрижий давом эттирувчи уч қисмдан иборат бу рисола ўқувчиларида катта қизиқиш уйғотади деган умиддамиз.

ДИЛМУРОДНИНГ ДИЛКАШ ДАВРАЛАРИ

Ҳаётда шундай санъат фидойилари борки, улардаги иқтидор, истеъдод, маҳорат ва матонатни кўриб, тасашюлар айтасаи киши. Ушбу рисолада ана шундай санъат дарғалари, улариинг авлодлари вакили — таниқли доиракаш, Ўзбекистонда хизмат кўрсатган артист Дилмурод Исломов ҳаёти ва ижоди ҳақида ҳикоя қилинган, шунингдек, устоз ва шогирдлари, хусусан, укалари — Холмурод ва Элмуродларнинг доирачилик санъатини ривожлантирншга қўшган қиссалари қаламга олинган. Мазкур китоб санъат ихлосмандларининг дилларини хушнуд этади, деган умиддамиз.