Unilibrary. Oliy ta'lim muassasalarining yagona elektron kutubxona axborot tizimi.

Ойдин водий

Америкалик машҳур ёзувчи Жек Лондон (1876–1916) оз фурсатли ёзувчилик фаолияти давомида қирққа яқин ажойиб асарлар яратишга мушарраф бўлган.Бошланғич мактабни тугатган 14 ёшли Жек консерва фабрикасига ишчи бўлиб ёлланган. 1893 йилда илк бор у Япония соҳилларига денгиз сафарига оддий матрос бўлиб борган. 1894 йилда ишсизларнинг Вашингтонга кўчишида қатнашган, дайдиларча ҳаёт тарзи учун қамоққа олинган, сиёсий ҳаракатларга қўшилган. Кейинрок Калифорния университетига ўқишга киради ва кўп ўтмай ўқишни ташлаб кетишга мажбур бўлади.

Муҳаббат ва матонат

Асарларида инсоннинг табиат устидан ҳукмронликка инти- лишини қоралаган Жек Лондон ҳикояларида бир хил тоифадаги турфа феъл-атворли кишилар ҳаёти ва улар тийнатидаги эврилишларни акс эттиради. Улар эркка интиладилар, ўз бурч ва мажбуриятларини ҳар хил шароитларда синаб кўрадилар, ҳаёт машаққатларида тобланадилар. Адиб ўз ҳикояларида инсон энг оғир шароитларда ҳам ожиз эмаслигини исботлайди. Барчаси инсоннинг руҳияти, маънавий дунёси ҳамда иродасига боғлиқ. Мазкур тўпламга Жек Лондон ижодининг турли босқич- ларида яратилган ҳикоялари ва эсселари жамланган бўлиб, улар, шубҳасиз, ўқувчи ботинида бурилиш ясайди. Тўплам кенг китобхонлар аудиторияси ва адабиёт ихлосмандларига мўлжалланган.

Абай йўли

Абай уч манбадан озиқ олиб, маънавий камолотга етди: Булар қозоқ халқ оғзаки ижодиёти, Шарқ шеърияти ва ниҳоят рус, Европа адабиёти намуналари. Бу уч манба Абайни буюк шоир этиб етиштирди, оламга танитди. Асарларини элларга манзур килди. Абайнинг насрий асарлари, шеъру достонлари ўзбек, татар, қирғиз, қорақалпоқ, турк, мўғул, чин, чех тилларига таржима қилинган ва мазкур халқларнинг маънавий мулкига айланиб қолган.

Tanlangan asarlar

Abay Qunonboyev buyuk qozoq shoiri, ma'rifatparvari va demokrati, yangi qozoq madaniyatining asoschisi, xalqlar do'stligining kuychisidir. Ushbu Tanlangan asarlaroga uning hayot haqida chuqur mulohaza yurituvchi, ishq-muhabbatni tarannum etuvchi, xalqqa nisbatan mehr va sadoqat hissi bilan to'lib-toshgan she'rlari bilan bir qatorda Ma'sud, Iskandar nomli poemalari hamda falsafiy va publitsistik yo'nalishdagi nasihatlari ham kiritilgan.

Шоир севгиси

Ушбу тўпламда Муҳаммад Юсуфнинг турли даврларда езган шеърларидан саралаб олинди. Тўплам «Қизлар қўшиғи», «Сени ҳеч ким севол майди менингдек», «Қизғалдоғим» деган бобчалардан иборат бўлиб, муҳаббат, табиат мавзуларидаги шеърлар жамланган.

Бевафо кўп экан

Элимизнинг ардоқли ва суюкли шоири Муҳаммад Юсуфнинг ушбу тўпламидаги шеърлар ўзининг халқона руҳи, содда ва самимийлиги, оҳангларининг қуйма ҳамда равонлиги билан ўқувчини ўзига ром қилади, тафаккур ва тасаввур, хаёл ва ҳайрат оламига етаклайди. Гарчи тўпламга жамланган шеърларда бу оламдаги азалий ҳамда абадий мавзулар: Ишқ-муҳаббат, севги- садоқат, она юрт ва миллий ғурур каби юксак инсоний туйгулар қаламга олинсада, уларнинг талқинидаги дилга эгизак сўзлар жозибаси ҳар бир китобхоннинг кўнгил торларини чертиб юборишга қодир. Шу сабабли ушбу китобни сиз азиз китобхонга ҳам илиндик.

Танланган асарлар

Абай Қунонбоев—буюк қозоқ шоири, маръифатпарвари ва демократи, янги қозоқ маданиятининг асосчиси, рус ва қозоқ халқлари дўстлигининг куйчисидир. Ушбу „Танланган асарлар“ га унинг ҳаёт ҳақида чуқур мулоҳаза юритувчи, ишқ-муҳаббатни тараннум этувчи, халққа нисбатан меҳр ва садоқат ҳисси билан тўлиб-тошган шеърлари билан бир қаторда „Маъсуд", „Искандар", „Азим қиссаси" номли учта поэмаси ҳамда фалсафий ва публицистик характерга эга бўлган „Насиҳатлар “и ҳам киритилган.

Mungli ko'zlar

Ota-onaga farzandining baxtidan bo'lak ne’mat kerak emas. Xuddi shuningdek, farzand ham eng baxtiyor damlarida ota-ona yonida bo'lgisi, baxtini ular bilan baham ko'rgisi keladi. Ota-ona diydori, ota-ona mehrini ular har narsadan aziz biladilar. Qimmatli kitobxon! Sevimli yozuvchimiz Xudoyberdi To'xtaboyevning siz, aziz kitobsevar do'stlarimiz uchun taqdim etilayotgan mazkur kitobida ana shu mavzu qalamga olingan. Asarning yozilganiga oradan ancha fursat o'tgan bo'lishiga qaramay, u badiiy qimmatini hamon yo‘qotmagan, aksincha, har bir kitobxon ushbu asarni har gal qo'liga o'zgacha mehr va iztirob bilan oladi. Mol-dunyoni har narsadan ustun bilgan va oxir-oqibatda guldek farzandlarining achchiq qismatiga sabab bo'Igan ota-ona haqida hikoya qiluvchi mazkur asar umid qilamizki, yana bir karra o'zining yangi o‘quvchilarini kashf etadi.

Олтин зангламас

Ушбу китоб шахс тимсолида риёкорликнинг турли товланишлардаги кўринишларини тасвирлайди.

Уйқудаги қиз

«Жайрон нега кўзинг тўла ёш»- Муҳаммад Юсуф шеърларидан бири шундай бошланади. Бу иқтидорли шоирнинг илк севгига, илк ҳайрат ва армонга берган нисбати. Боқий муҳаббат ва садоқат ҳақидаги эҳтиросли шеърлар илиқ таассурот уйғотади, хаёлга чўмдиради.

Халқ бўл, элим

Ўзбекнинг ардоқли шоири Муҳаммад Юсуфнинг ушбу тўплами «Халқ бўл, элим» деб бежиз номланмади. Унинг ижодида халқига, Ватанига чексиз садоқат ва фидойилик мавзуси асосий ўринни эгаллаган. Ушбу тўпламга шоирнинг турли даврларда битилган энг сара шеърлари, достонлари киритилди. Ўйлаймизки, у шеърият мухлисларига муносиб туҳфа бўлади.

Ҳалима энам аллалари

Она алласи болани тарбиялайди. Бола ўз тупроғи учун жонини фидо қилса, бу жамики Ватаннинг нидосига айланиб кетади. Нидо ҳам алладир. Алла эшитмаган одам ўз фарзандига Ватан туйғусини сингдира олмайди. Муҳаммад Юсуфнинг ушбу китоби ана шундай теран туйғулар мажмуасидир.

Таниш тераклар

Муҳаммад Юсуф шеърларида ҳаёт ҳақиқати ёниқ эҳтирос ва кўтаринки руҳ билан тасвирланади. Муаллиф юрагидаги самимият нури шеър сатрларини ёритиб туради ва унинг куюнчаклиги шеърхонга ҳам юқади. Лирик қаҳрамоннинг руҳияти гўзал, хаёли узун, дардининг кўзлари тийран. Она юрт туйғуси, ўтган урушнинг дилдаги таассуротлари, бугунги кун ташвишлари ва эртанги кун умидлари чиройли ташбиҳларда ифода этилган.

Xolida Adib Adivar

Turkiy adabiyoti durdonalari

Turk Zamanoviy Sheriyoti Antologiyasi

Turkiy adabiyoti durdonalari

Turk Zamanoviy Sheriyoti Antologiyasi

Turkiy adabiyoti durdonalari