Mazkur o‘quv qo‘llanmada qalamtasvir bo‘yicha nazariy va amaliy mashg‘ulotlar bilan birga sessiya oraliq topshiriqlarini bajarish tartibi bayon qilingan. O‘quv qo‘llanmada tasviriy san’at haqida dastlabki ma’umotlar, qalamtasvir – tasviriy san’atning asosi sifatida, qalamtasvir va rangtasvirning qonun-qoidalari: tasviriy san’atda perspektiva, kompozitsiya asoslari, chiziqli konstruktiv qurilish, yorug‘-soya qonuniyatlari, buyumlarning uslubiy jihatdan bosqichma-bosqich tasvirlash usullari, qalamtasvirda xomaki rasmlar ishlash usullari kabi ko‘plab mavzular nazariy va amaliy jihatdan yoritib berilgan. O‘quv qo‘llanma «5110800 – Tasviriy san’at va muhandislik grafikasi» ta’lim yo‘nalishining sirtqi bo‘lim 1- va 2-kurs talabalari uchun mo‘ljallangan bo‘lib, undan ilmiy izlanuvchilar, maxsus va umumiy o‘rta ta’lim maktab o‘qituvchilari, maktabdan tashqari muassasalarning to‘garak rahbarlari va havaskor rassomlar ham foydalanishlari mumkin.