Darslikda tuproqshunoslik yo‘nalishida kadrlar tayyorlash masalasi, yo‘nalishning ustuvor vazifalari va istiqboli, tuproqshunoslikning fan sifatida shakllanishi, tuproqshunoslikning yangi yo‘nalishlari va tarmoqlari, tuproq agrofizikasi va texnologiyasi yo‘nalishining shakllanishi, tuproq xossalarini boshqarish bo‘yicha ilmiy va amaliy izlanishlar, tuproqning agrofizik, fizik-mexanik va texnologik xossalarini yaxshilashga doir tadqiqotlar, dehqonchilikka yangi resurs tejamkor va tuproq himoyalovchi texnologiyalar tadbig‘i, tuproq ekologiyasi va muhofazasi yo‘nalishining shakllanishi, tuproqning biosferadagi ekologik funksiyasining o‘rganilishi, tuproq ekologik holatining intensiv dehqonchilik ta’sirida o‘zgarishining tadqiq qilinishi, tuproqning ekologik holatini yaxshilash va muhofaza qilish tadbirlarini ishlab chiqish kabi masalalar chuqur yoritilgan. Ushbu darslik 5141000-Tuproqshunoslik ta’lim yo‘nalishida taxsil olayotgan talabalar uchun mo‘ljallangan. Darslikda bayon etilgan mavzular tuproqshunoslik ta’lim yo‘nalishining o‘quv rejasidagi “Tuproqshunoslikka kirish” mutaxassislik faniga ajratilgan soatlar hajmidan kelib chiqib, namunaviy o‘quv dasturidagi mavzularni qamrab olgan. Talabalar o‘quv adabiyotini o‘qish davomida tuproqshunoslik fani, uning sohalari va yo‘nalishlari, tuproqning kelib chiqishi, rivojlanishi, xossalari, unumdorligi hamda ekologik holatining yaxshilashga qaratilgan bilimlarga ega bo‘lishadi.