Mazkur o'quv qo'llanma o'ziga yarasha noyob hisoblanadi, u maktab va oliy ta'lim o'quv dasturi bilan yetarli darajada tanish bo'lgan dotsentlar mualliflik guruhi tomonidan yozilgan. Taqdim qilinayotgan qo'llanmada kimyoning umumiy masalalari, kimyodan eksperiment o'tkazish metodikasi, jumladan, kimyo laboratoriyasini tashkil qilish, unda kimyoviy tajribalar bajarish hamda bu jarayonda tejamkorlik metodi bilan ish yuritish, moddalarni tozalash, taqsimlash va gazsimon moddalar ishtirokida, eritmalar sharoitida qiziqarli kimyoviy tajribalar o'tkazish kabi materiallar keltirilgan. Shuningdek undan 30 ta har xil qiziqarli kimyoviy tajribalar tavsifi hamda talaygina olimpiada topshiriqlari va ijodiy xarakterdagi eksperimental masalalar joy olgan. Qo'llanmada propedevtik faoliyatdagi qiziqarli kimyoviy tajribalar tafsiloti, hamda mustaqil ta'lim olish doirasidagi 30 ta referat va ijodiy tadqiqot loyihalaridan namunalar, testlar banki berilgan. Ta'kidlash joizki, berilgan materiallarni mustaqil o'rganish ham mumkin. O'quv qo'llanma Oliy ta'lim muassasalarining "Kimyo" yo'nalishi talabalari uchun mo'ljallangan. Shuningdek, mazkur qo'llanma materiallaridan barcha maktab o'quvchilari hamda o'qituvchilari va fan amaliyoti ishlariga qiziquvchilar ham foydalanishi mumkin.