Kursning asosiy nazariy masalalari quyidagilardan iborat: odam boshini naturadan chizishda qo‘l va ko‘zning holati, chizuvchining model va tasvirga nisbatan holati, odam boshini chizishda to‘g‘ri rakursni tanlash va uning xususiyatlari. Odam boshining tashqi shaklining suyak va mushak tuzilishi va uning tafsilotlari ochib beriladi. Odam boshining mutanosib bo‘linish sxemalariga misollar keltirilgan. Asosiy e’tibor odam boshini chizishning turli usullari hamda uning bajarish bosqichlariga qaratilgan. Mazkur qo‘llanma Oliy ta’lim muassasalarining “Rassomlik”, “Grafika”, “Haykaltaroshlik”, “Monumental-dekorativ san’at”, “Dizayn”, “Tasviriy san’at va muhandislik grafikasi” mutaxassisliklari bo‘yicha talabalari, san’at maktablari o‘quvchilari va o‘qituvchilari uchun, shuningdek, grafik tasvir asoslarini o‘rganayotgan har bir kishi uchun foydali bo‘ladi.