Kitobda dasturiy taʼminot turlari, MS Office, dasturlash asoslari, maʼlumotlar tuzilmalari va obyektga yoʻnaltirilgan dasturlash tushunchalari yetarli tafsilotlar bilan yoritilgan. Shu bilan birga kitobda kompyuterlarning tarixiy rivojlanishi, internetga asoslangan rivojlanish va bulutli hisoblash haqida ham soʻz boradi. Mazkur xorijiy oʻquv adabiyoti professor-oʻqituvchilar, doktorantlar, magistrantlar va talabalarning oʻquv va ilmiy faoliyatida foydalanish uchun moʻljallangan. Shuningdek, ilmiy izlanishlar olib borayotgan mustaqil tadqiqotchilar va keng ilmiy jamoatchilik uchun tavsiya qilinadi. Ushbu xorijiy oʻquv adabiyotidan tijorat maqsadida foydalanish qatʼiyan man etiladi.