Qoʻlingizdagi mazkur moʻjaz oʻquv qoʻllanma butun dunyodagi ilk sivilizatsiya oʻchoqlari, xususan, qadimgi Yaqin Sharqda paydo boʻlgan eng qadimiy tarixiy yozuv shakllaridan tortib, hozirgi global zamongacha boʻlgan davrni qamrab oladi. Albattа, bunday ulkan davrni ushbu muxtasar kitobda batafsil qamrab olish imkonsiz boʻlardi. Mana shundan kelib chiqqan holda, muallif uni “Tarixning qisqacha tarixi” deb nomlab, oʻtmishda kechgan, dunyo tarixiga taʼsir koʻrsatgan asosiy voqealarnigina batafsil yoritib oʻtadi. Shu bois ham mazkur oʻquv qoʻllanma jahon tarixini oʻrganayotganlar bilan birga uni oʻqitayotganlar uchun ham mukammal kirish hisoblanadi. Kitob aynan shu jihati bilan ahamiyatlidir.