Ушбу дарслик математик физика тенгламалари фанининг асосий бўлимларини қамраб олган бўлиб, унда хусусий ҳосилали дифференциал тенгламалар назариясининг фундаментал принциплари, классик моделлар ва уларни ечиш усуллари баён этилган. Биринчи томда асосан тенгламалар турлари, характеристикалари ҳамда гиперболик, параболик ва эллиптик турдаги тенгламалар учун қўйиладиган асосий чегаравий масалалар чуқур тахлил қилинган. Назарий материаллар амалий мисоллар, физик жараёнларнинг математик моделлари ва мустақил ечиш учун топшириқлар билан мустаҳкамланган. Дарслик университетларнинг математика, механика, физика ва амалий математика йўналишларида таҳсил олаётган талабалар, магистрантлар ҳамда ушбу соҳада илмий-тадқиқот ишлари олиб бораётган мутахассислар учун мўлжалланган.