Ushbu darslik bo'lajak geografiya fani o'qituvchilarining ilmiy, metodik hamda kasbiy tayyorgarligini tarkib toptirish va rivojlantirishga xizmat qilib, unda geografiya o'qituvchisi uchun zarur bo'lgan geografiya o'qitish metodikasining maqsad va vazifalari, rivojlanish tarixi, geografiya o'qitishning dolzarb muammolari, O'zbekistonda geografiya ta'limining rivojlanishi, geografiya ta'limida ilmiy tadqiqotlarni tashkil etish, xalqaro baholash tadqiqotlari va uning o'ziga xos tomonlari va shu kabi geografiya ta'limiga doir ma'lumotlarni o'z ichiga olgan. Shuningdek, darslikda mamlakatimizda ta'lim tizimini modernizatsiya qilish borasida olib borilayotgan islohotlar, maktab geografiyasining tarkibi va tuzilishi, geografiya ta'limi metodlari, geografiya fanini o'qitishda zamonaviy pedagogik va axborot kommunikatsion texnologiyalardan foydalanish masalalariga e'tibor qaratilgan. Darslik pedagogik oliy ta'lim muassasalarining 60111000-Geografiya va iqtisodiy bilim asoslari yo'nalishi talabalari va geografiya fani o'qituvchilari uchun mo'ljallangan.