“O‘zbekiston geografiyasi” fanidan tayyorlangan ushbu darslik ikki qismdan iborat bo‘lib, unda O‘zbekistonning tabiiy sharoiti va resurslari, ulardan oqilona foydalanish yo‘llari, O‘zbekiston tabiatidagi ichki tafovutlar haqida ma’lumotlar bayon qilingan. Mazkur darslik universitetlar va pedagogika institutlarining “Geografiya” ta’lim yo‘nalishi o‘quv rejasi va tegishli fan dasturi asosida ishlab chiqilgan bo‘lib, ushbu yo‘nalish talabalari uchun mo‘ljallangan. Undan universitetlar va pedagogika institutlarining “Geografiya o‘qitish metodikasi”, “Geografiya va iqtisodiy bilim asoslari”, “Geodeziya, kartografiya va kadastr”, “Gidrometeorologiya”, “Gidrologiya” yo‘nalishlarining kunduzgi, kechki va sirtqi bo‘limlari talabalari, tayanch doktorant va mustaqil izlanuvchilar, umumiy ta’lim maktablarining geografiya fani o‘qituvchilari va O‘zbekiston tabiatini bilishga qizqishgan har bir kishi foydalanishi mumkin.